Við stjórn byggingarframkvæmda hvers mannvirkis skal ávallt hafa byggingarstjóra.
Óheimilt er að veita byggingarleyfi fyrir framkvæmd nema ráðinn hafi verið byggingarstjóri sem uppfyllir kröfur Mannvirkjastofnunar.
Nánari upplýsingar er hægt að nálgast hér á vef
Hlutverk byggingarstjóra er að sjá um allt innra eftirlit með verkinu ásamt innkaupum, öryggismálum og samskiptum við fagaðila sem byggingarstjóri sinnir sem óháður aðili fyrir hans hönd.
Byggingarstjóri hefur umsjón með daglegum rekstri almennra verktaka, sérverktaka, sem og annarra starfsmanna verkefnisins. Meginmarkmið þeirra meðan á framkvæmdum stendur er að verkið standist fjárhags og tímaáætlun. Öll öryggismál sem og innra / ytra verkeftirlit fellur í skaut byggingarstjóra ásamt gæðastjórnun.
Eins og þessi lauslega upptalning gefur til kynna er hlutverk byggingarstjóra fjölþætt og vandasamt.
Byggingastjórinn sér um útvegun byggingarleyfis, til þess þarf:
Byggingarstjóri starfrækir sitt eigið gæðastjórnunarkerfi.
Byggingarstjórinn annast framkvæmd og skráningu áfangaúttekta og skilar niðurstöðum til stjórnvalda.
Byggingarstjórinn er ráðgjafi húsbyggjandans.
Byggingarstjóri annast innra eftirlit eiganda frá því að byggingarleyfi er gefið út og þar til lokaúttekt hefur farið fram.
Byggingarstjórinn hefur eftirlit með þeim sem koma að byggingu mannvirkis fylgi samþykktum hönnunargögnum, verklýsingum og ákvæðum laga um mannvirki og reglugerða sem settar eru á grundvelli þeirra. Verði byggingarstjóri við eftirlit var við ágalla á verki iðnmeistara eða hönnuðar, skal hann gera viðkomandi viðvart og krefjast þess að úr sé bætt innan hæfilegs tíma. Athugasemdir byggingarstjóra skulu skráðar á viðeigandi hátt í gæðastjórnunarkerfi hans og annarra hlutaðeigandi. Sé athugasemdum byggingarstjóra ekki sinnt eða um ítrekaða vanrækslu að ræða skal hann tilkynna það byggingafulltrúa.
